Koalizioak gogoratu du 2002-2017 urteetan Euskadin eraildako emakume guztien % 30,95 berrogeita hamar urtetik gorakoak zirela
Azaroaren 25ean Emakumeen Aurkako Indarkeriaren aurkako Nazioarteko Eguna ospatzen da, urtero. Hori dela eta Podemos, Ezker Anitza – IU eta Equo Berdeak osotutako koalizioak emakume nagusien errealitatea agerian jarri nahi du Gasteizko Parlamentuan eta Bilboko Udalan ere. Datu ofizialen arabera, 2002-2017 urteetan Euskadin eraildako emakume guztien % 30,95 berrogeita hamar urtetik gorakoak ziren.
Alabaina, adineko emakumeak dira salaketa gutxien jartzen dituztenak. Hala, Segurtasun Sailaren datuen arabera, ,2017an, bikotekidearen edo bikotekide ohiaren indarkeria matxistarengatik erregistratutako salaketen % 10 baino ez ziren adineko emakumeen eskutik iritsi. “Begi-bistakoa da adineko emakumeak egoera ahulagoan daudela bizitza-proiektuak mota guztietako indarkerietatik aske aurrera eramateko”, adierazi du Carmen Muñozek, UdalBerriren bozeramaileak.
Muñozek esan duenez, adineko emakumeek generoagatik hainbat desparekotasun metatu dituzte bizitza osoan. “Hamarkadatan genero-rolen inposaketa pairatu dute, urtetan etxean egindako lana ikusezin bihurtuta edota enpleguaren prekarietatea. Eta hori gutxi balitz, kasu batzuetan, etxeko eremuko indarkeria matxistek markatutako bizitzak izan dituzte”.
Hori dela eta, UdalBerrik zera eskatzen du: adineko emakume guztiak indarkeria matxisten modu guztietatik babesteko eta horri lotutako prebentzioa sustatzeko neurriak inplementatzea, lehendik dauden neurriak sendotuz eta beste neurri berri batzuk abian jarriz. Horrez gain koalizioak egoera hau ikustarazteko ekintzak martxan jartzea nahi du eta hurrengo urtean gogoetarako, elkartrukerako eta prestakuntzarako jardunaldi espezializatuak antolatzea.