- IRABAZIren bitartez, Eraztun Berdea babesteko mozio bat eraman genuen Osoko Bilkurara
- Oscar Fernándezek nabarmendu du gune horrek hirigintza-figura bat (Plan Berezia) behar duela mehatxuen aurrean babestuta egoteko
Oscar Fernándezek osoko bilkuran defendatuko duen mozioa aurkeztu du eta, mozio horren bitartez, Udalari Eraztun Berdea babesteko izapideak abiaraztea eskatuko dio. Hirigintza-arloko figura bat (Plan Berezi bat) sortu nahi da, naturagune horrek lege-euskarria izan dezan eta suntsitu dezaten saihesteko.
Gasteizko ingurumen-altxorra etengabe mehatxupean dagoelako aurkeztu dute mozio hori. Azken mehatxua Mercedes fabrika handitzeko proiektu hipotetikoa izan da. Eztabaida eraginda, udaleko Osoko Bilkurak Mercedes fabrikaren ustezko handitze-lanetarako proposatutako hirigintza-proiektu industrialaren proiektua baztertzea lortu nahi da. Proiektua gauzatuz gero, Zabalganako parkearen zati handi bat suntsitu egingo litzateke. Ekimenean, udal-gobernuari beste aukera batzuk planteatzeko eskatu zaio, hutsik dagoen edo gutxi erabilita dagoen lurzoru industriala okupatuta. Proposatutako lur-eremuan, Zabalganako parkearen 14 hektarea baino gehiago suntsituko lirateke, eta belardiak, basoaren eta nekazaritza-lurren arteko trantsizioa eta urmaelak desagertuko lirateke, erkametz basoaren ertzeraino iritsiko litzatekeen lursail industriala eraikitzeko. Proiektuak are gehiago mugatuko luke naturagunea, berez isolatu samarra dagoen naturagune hori.
Irabazi Ganar (IU /EQUOBerdeak) alderdiaren ustez, udaleko Osoko Bilkurak Eraztun Berdea erabat garatzearen aldeko apustua berretsi beharko luke eta, horretarako, Eraztuna babesteko konpromisoa hartu beharko du eta udalerriko garapen industrialerako beste aukera batzuk proposatu, horretarako gaituta dauden industrialdeetan. Ildo beretik, Fernándezek nabarmendu du Mercedes fabrikaren ondoan badirela hutsik dauden hainbat lursail, bereziki, Jundizen, eta handitze-lan hipotetikoak egiteko erabil litezkeela. “Gasteizko Eraztun Berdea itotzen duten mehatxuak desagerrarazteko garaia da. Azken kasu hau Mercedesekin gertatzen ari da, baina lehenago ere pairatu izan dugu horrelakorik Salburuko Hezeguneetako merkataritza-zentroarekin edo Armentiako basoko sarrera suntsitu zenean, hegoaldeko errondaren hasiera eraikitzeko”