- Zentral nuklearraren barne-komunikazio batean zentraleko zenbait puntutan 200 gradutik gorako tenperaturak detektatu izanaz hitz egiten da
- Bost hilabete igaro arte ez da izan informazio horren berri. Gertakariari buruzko jakinarazpena CSNren webgunean lehen eskuragarri egona izana da beharbada, baina orain ez da ageri
EQUO taldeko bozeramaile eta Unidos Podemos koalizioko diputatu Juantxo López de Uraldek galdera bat erregistratu du Kongresuan, urtarrilaren 31n Garoñako zentral nuklearrean ustez izandako sute baten zurrumurruen berri izan bezain laster.
Diputatu berdearen iritziz, ustezko gertakari hori, gertatu zela baieztatzen bada, ikertu beharra dago, gertakariaren nondik norako guztiak argitzeko eta pertsonentzat eta ingurumenarentzat zer arrisku ekar dezakeen ikusteko.
Horregatik, López de Uraldek Exekutiboari galdetzen dio egitate horiek egiazkoak ote diren, gertakariaren berri izan ote duen, eta, hala bada, zergatik gorde duen isilpean gertatutakoa.
Diputatuak jakin nahi du Segurtasun Nuklearreko Kontseiluak gertakariaren berri eman ote zuen maiatzaren 23an (asteazkena); zentral nuklearraren zenbait puntutan 200 gradutik gorako tenperaturak erregistratu ote ziren; sutea kontrolatzeko zenbat denbora behar izan zen eta zer bitarteko erabili ziren sutea itzaltzeko. Sugarrak eragin zituzten kausen inguruan ere egin zaio interpelazioa Exekutiboari.
Bost hilabete igaro arte ez da izan informazio horren berri. Jakinarazpena CSNren webgunean lehen eskuragarri egona izana da beharbada, baina orain ez da ageri. López de Uralderen ustez, gertatutakoa egiazkoa bada, akatsa egin du Gobernuak horrelako garrantzia duten egitate batzuk ezkutatuta. “Informazio horren egiazkotasuna berretsiz gero, Gobernuak azalpenak eman behar ditu erakutsi duen erabateko gardentasunik ezaren atzean dauden arrazoiak argitzeko. Energia nuklearrarekin lotutako gauza guztietan obskurantismoaren menpe jarraitzen dugu. Arrisku oso larriak dakartza zentral nuklear batean gertatutako sute batek. Biztanleriak oro har eta hurbileneko udalek gertatutakoaren berri izan behar dute, horrek dakarren arriskua kontuan izanda, eta Gobernuak beharrezkoak diren xehetasun guztiekin argitu behar du ondorio oso larriak eragin zitzakeen gertakari hori”, López de Uraldek esan duenez.
Erregistratutako galderen sortan, aplikatu beharreko neurriei buruzko azalpen bat egin dezala eskatu dio Gobernuari EQUO taldeko kobozeramaileak, sugarrak eragin zituzten zirkunstantziak berriro gerta ez daitezen.