Elkarrekin Podemos legebiltzar taldeak lortu du oposizioak Tuvisaren kotxe-tokien etorkizunari buruzko mozioari babesa ematea
Ostegun honetako ohiko Osoko bilkuran eztabaidatu da autobus elektriko adimenduna Gasteizera iristen dela eta Elkarrekin Podemosek kotxe-toki berriak eskatzeko aurkeztu duen mozioaren inguruan.
Bere mintzaldian, Elkarrekin Podemoseko legebiltzarkide eta Equoko kide José Ramón Becerrak gogora ekarri du Eusko Jaurlaritzak, Arabako Foru Aldundiak eta Udalak hitzarmen bat sinatu zutela garraio hori ezartzeko, baina akordioaren barruan autobusak barruan sartzeko kotxe-tokiak kontuan hartu gabe. Eta “azpiegitura hori ezinbestekoa da” ibilgailuak eta haiek kargatzeko instalazioak hartzeko, “autobusak oso adimendunak izanagatik ez direlako bakarrik aparkatzen”.
Becerrak gogora ekarri du, halaber, Irabazi Gasteizek eta legebiltzar-taldeak “jarrera malgua eta konstruktiboa izan dutela Gobernuari eta Udalari premia horretarako konponbide bat bilatzen laguntzeko, autobus elektriko adimendunaren proiektua geldiarazi gabe”. Hala eta guztiz ere, adierazi duenez, “zoritxarrez Tapia sailburuak eta Urtaran alkateak ez dute maila eman gai honetan; nahiago izan dute presaka ibili eta txapuza bat egin amore eman baino, haien barneko tirabirak tarteko”.
Taldeko ordezkariak adierazi duenez, eztabaida horren aurrean “harri eta zur” dagoela adierazi du, bi erakundeak “benetako arazo baten inguruan dantzan ari direlako, Gasteizko herritarrek kotxe-toki berriak behar dituztela aintzat hartu gabe”
Azkenean, oposizioak bat egin du Elkarrekin Podemosen planteamenduarekin. Becerrak txalotu du jarrera hori, “EHBilduk azken orduetako jarrera kontraesankorra berriz ere pentsatu eta azkenean “bai” esan duelako hiri moderno batek merezi dituen kotxe-tokiak edukitzeko Gasteizek zuen azken aukeraren aurrean”.
Horrez gain, Elkarrekin Podemoseko ordezkariak Urtaran alkateari eskatu dio “atzera egin dezala alkateak berak 2016an planteatu zuen premia bat bertan behera uztean erakutsi duen jarrera arduragabean, eta, ildo horretan, proiektu hau lortzeko beste erakunde batzuen eskutik etor litekeen finantza-laguntza onar dezala”.