- Euskadiko Alderdi Berdeak bost ordezkari izango ditu uztailaren 23ko hauteskunde orokorretan Kongresurako eta Senaturako Sumarren zerrendetan
Euskadiko alderdi Berdea bost kidek ordezkatuko dute Sumarren zerrendetan, Joserra Becerra bozeramailekidea buru dela, zeina bigarren izango baita Kongresurako Gipuzkoako zerrendan Sumarren hautagaitzan.
Becerraz gain, Lidia Ucher Senatura aurkeztu da Gipuzkoatik. Patxi Guerrerok Kongresurako bosgarren postua beteko du Bizkaian, eta Carmen Muñoz Bilboko zinegotzi ohiak lurralde horretako Senaturako zerrenda osatuko du. Kongresurako Arabako hautagaitzan Ana de Benito laugarren postuan joango da.
Alderdiaren Mahai Federalak joan den ekainaren 8an onartu zuen Sumararrekin koalizioan aurkeztea uztailaren 23an egingo diren hauteskunde orokorretara, hautagaitza horren parte izatea gure herriarentzat proiektu aurrerakoi eta berde baten alde egitea dela ondorioztatu ondoren, ohiko politikarekin pozik ez dauden herritarrak mobilizatzeko gai izango dena.
“Inoiz baino garrantzitsuagoa da berdeak erakundeetan presentzia eta eragina izatea. Gure esperientzia eta kide garen Europako Alderdi Berdearena eskaini nahi dugu, larrialdi klimatikoari eta trantsizio ekologikoari justizia sozialarekin aurre egin ahal izateko. Politika berdeek eta bidezkoek lehentasuna izan behar dute hurrengo Gobernuarentzat”, azpimarratu du Joserra Becerrak.
