Elkarrekin Bilbao, Podemos, Ezker Anitza-IU eta Equo Berdeak alderdiek osatutako udal taldeak proposamen bat adostu du Bilboko Udal Gobernua sustatzenduten taldeekin, datorren urtean martxan jarriko den moneta lokala izateko. Carmen Muñozek, EQUO Berdeak alderdiko zinegotziak koalizioen azaldu duenez, “Ekonomia Sozial eta Solidarioaren Poloaren esparruan egingo da, irabazien gainetik pertsonen beharrak asetzea lehenesten duten jarduera sozioekonomikoak biltzen dituena”.
Muñozek esan duenez, “gure hirian moneta hau martxan jartzeak, une honetan, tokiko ekonomiaren esku beste tresna bat jartzea esan nahi du, hurbileko merkataritzari laguntzeko, onurak erkidegoari itzuliz”.
Izan ere, Bilboko tokiko monetak aukera emango du “tokikoa eta jasangarria dena sustatzeko, murgilduta gauden krisi ekologikoari ere aurre eginez. Horrez gain, aspalditik hurbileko merkataritzak bizi duen krisi ekonomikoari aurre egiten dio, eta zoritxarrez, pandemiaren erruz inoiz imajinatuko ez genuen mugetaraino areagotu da”, Muñozek hitzetan.
Zinegotziak azaldu duenez, “ordainketa sistema bat jarriko litzateke erabiltzaile erosleen eskura, mugikorrean erraz erabiltzeko moduko app baten bidez, baita gaitasun digital baxuak dituzten pertsonentzat ere, eta horiek, erosterakoan, deskontuak izango dituzte tokiko moneta horretan, etorkizunean erosketak egiteko”. Muñozen arabera, “atxikitako saltokientzat bezero potentzial duen komunitate bati ate bat irekitzen zaio, oro har saltoki eta merkataritza-gune handien eskura dagoen tresna bat bere eskura jarriz”.
Elkarrekin Podemoseko zinegotziak gogorarazi duenez, “herritarren ordezkari garen aldetik, ahalegin handia egin behar dugu sektore horiek, merkataritzakoak kasu honetan bezala, pultsu ekonomikoa berreskura dezaten, zirkulu bertutetsu bat sortuko duten tresnen bidez, non hurbileko merkataritza indartuko den, kaleak auzoetan hutsik ez geratzeko eta, aldi berean, sare soziala indartzeko”.