- Alderdien koalizioak Euskadin ordezkaritza duen erakunde guztietan aurkeztu du indarkeria matxistaren inguruko ekimen proposamen bat memoria bat eraikitzeaz, aitortza egiteaz eta erreparazioa emateaz
Emakumearen Aurkako Indarkeria Ezabatzeko Nazioarteko Egunaren harira (A25), udalerri guztietan, batzar nagusietan eta Eusko Legebiltzarrean ekimen bat aurkeztu du gaur zeinak proposatzen duen “indarkeria matxistaren biktimak eta indarkeria horretatik bizirik atera direnak aitortzea, nola eta indarkeria matxistaren inguruan memoria kolektiboa eta memoria historikoa eraikita, horretarako memoria espezifikoa landuko duen politika publiko bat eginez”.
Hona hemen Elkarrekin Podemosek Eusko Legebiltzarrean planteaturiko ekintzetako batzuk: “Espazio publikoan erreparazio sinbolikoa egitea, erakundeen bitartez aitortzak egitea eta oroimenerako elementuak ipintzea, eta artxibo espezifiko bat eratzea objektuak eta agiriak ikertzeko eta kontserbatzeko eta, hala, gizartean, legedian eta komunikabideetan indarkeria matxistaren biktimen kontsiderazioak eta aitortzak nola eboluzionatu duen kontzientziatzeko eta zabaltzeko”.
Alde horretatik, Eukene Aranak honela esan du neurri zehatz horietaz: “Politiketan sartu behar dira neurriok; balio dezatela indarkeria matxista orotatik libre egongo den gizarte baten aldeko lanean jarraitzeko”. Ildo beretik, honako hau ere proposatzen du: “Berdintasunerako eta indarkeria matxistatik libre egongo den bizimodu baterako modulu bat martxan jartzea; modulu horretan, indarkeria matxistaren biktimen eta indarkeria horretatik bizirik atera direnen lekukotasunak egongo dira, batez ere 4. DBHkoentzat eta Batxillergoan direnentzat”.