Elkarrekin Podemos koalizioaren Kogresurako zerrendaburuen aurkezpena
Elkarrekin Podemos koalizioko zerrendaburu Roberto Uriartek (Bizkaia), Pilar Garridok (Gipuzkoa) eta Juantxo Lopez de Uraldek (Araba) —EQUO alderdiko diputatu ohia Unidos Podemos koalizioan— gaur goizean aurkeztu dute beren hautagaitza Gasteizen, Florida parkean.
EQUO alderdiko liderrak adierazi du 2016ko aurreko hauteskundeetako emaitza onak errepikatzeko konfiantza duela, koalizioak Espainian lortu zituen emaitzarik onenak lortu baitzituen orduan Arabako zerrendaburu gisa.
Klima-aldaketaren legegintzaldia izango da datorren legegintzaldia, lider berdearen ustez. “Gaur, gainera, Klima Krisiaren aurkako borroka berrituaren 1. eguna da. Urteak daramatzagu borrokan hainbat arlotan zeharkako neurriak har daitezen –hots, ingurumen-arloan, arlo ekonomikoan edo sozialean–, debora gehiegi, eta gure atsekabe handirako, klase politikoa nahita artatu gabe uzten ari den emergentzia global bati ekiteko. Ekintzak gaur hasi behar du, lehenengo arazo bihurtuta, beste guztiak baldintzatzen dituen arazo gisa”, azpimarratu duenez.
Juantxo Lopez de Uraldek adierazi du bere hautagaitzarekin oso harro dagoela borroka horren buru izateaz, eta, gainera, neurri zehatzak aurkeztu ditu, anbizio handieneko bere proposamenean zehaztutakoak, Horizonte Berdea Planean, hain zuzen ere. “Proposatzen ditugun aldaketak, Klima Krisiaren aurkako borrokan eta krisi horren jada saihestezinak diren ondorio asko arintzeko prozesuan eraginkorrak izateaz gain, eraginkorrak dira, halaber, gure sare produktiboa, industriala eta lan-arlokoa oro har biziberritzeko”
– 10 urtean % 50ean murriztea erregai fosiletan oinarritutako energia-produkzioa
– Energia berriztagarrien produkzioaren % 100 lortzea 2040. urtean herrialdeari energia-hornikuntza emateko
– Energia-efizientziarako eraikinen birgaitze-plan berri bat, argiaren faktura % 50 ere murriztea ahalbidetuko duena
Gure herrialdeko energia produktibo eta intelektual guztien aurrekaririk gabeko mobilizazioa eskatuko du neurri horiek abiarazteak, Espainiako BPGaren % 2,5aren inguruko urteko inbertsio publiko-pribatuaren bidez. Kalitatezko milaka enplegu sortuko ditu plan horrek, berrikuntza gehituko da, migratutako talentua berreskuratuko du, eta bidea jorratzen hasiko da goitik lehian aritzeko balio erantsiko industriaren arloan zenbait herrialderekin –Alemaniarekin edo Japoniarekin, esaterako–, eta ez, ordea, lan-prekaritatearen arloan lehian aritzeko. Horren ordez, emisioen % 50erainoko murrizketa lortuko da 2030ean, eta % 90erainokoa 2040an.
Arabari dagokionez legegintzaldi honetan lan egin duten ekimenak errepasatu ditu Uraldek, hala nola Gasteizen trenbidea lurperatzeko proiektua Ministerioak planteatutako diseinua hobetzeko eta erabateko lurperatzea lortzea, auzoak bilduko dituen lurperatzea, alegia. Garoña ixtea eta eraistea ere izan du aipagai, “oso adi baikaude gai horrekin”. Lorpenak izan ditugu Araba hobetzeko, baina zenbait gai erabakitzeke daude probintzia merezi duen tokian kokatzeko, eta ez diegu gai horiei uko egingo, hala nola ibaien egoera eta uren saneamendua, edo Barrongo urtegia”, hautagai berdeak azpimarratu duenez.