Supersurraren handitze-obrak hastera doazen honetan, Ahal dugu, Ezker Anitza-IU eta Equo Berdeak taldeek osatutako koalizioa berriz ere agertu da proiektuaren aurka, proiektua ez dela beharrezkoa uste baitu, ingurumenaren eta ekonomiaren ikuspuntutik zentzugabekeria iruditzen baitzaio.
Udalberriko bozeramaile Carmen Muñozek diru-xahuketatzat jo du Bilbo Metropolitarrean ibiltzen diren ibilgailu guztien % 6k soilik erabiltzen duten errepide baten luzapen berri hori, ehuneko hori aurreikusitako 24.000 ibilgailuen erdia dela kontuan izanda gainera. ““Supersuarraren handitze-lana 200 milioi euroan dago jasota aurrekontuan, eta handitze-lan horren kilometro bakoitzak ia 47,61 milioiko kostua izango du. Ez dugu ulertzen hori EAJrentzat lehentasun bat izatea, diru publikoko kopuru itzel horiek premia sanitario, hezkuntza-arloko edo asistentzialei erantzuteko bideratzeko aukera izanik”.
Bestalde, Muñozek salatu du proiektu hori kontraesanean dagoela Euskal Autonomia Erkidegoko 2030erako Biodibertsitate Estrategian bildutako kontserbazio-helburuekin, baita Bizkaiko estrategian bildutakoekin ere. “Foru Aldundiak berak onartzen du inpaktu ekologikoa izango dela erakundeko arduradunek minimizatzen saiatuko direla iragartzen dutenean. Baina zer zentzu du Bilboko eremu hauskor eta kontserbatuena arriskuan jartzeak guztiz premiagabekoa dela frogatuta dagoen azpiegitura bat altxatzeko? galdetu du bozeramaileak.
Carmen Muñozek gogorarazi du Bolintxu errekaren ibarrak eta inguruko mendiek balio natural eta paisajistiko handiak dituztela, eta fauna- eta flora-espezie ugariren habitata direla, Pagasarriren Plan Bereziaren babespean egoteaz gain. “Biodibertsitatea mantentzeko funtsezkoa da haren narriadura saihestea. Horregatik deitzen ditugu herritarrak “Plataforma Ampliación Supersur Ez” taldeak larunbat honetan arratsaldeko seietarako antolatu duen manifestazioan parte hartzera. Arriagaren plazatik abiatuko da martxa, “Bolintxu Bizirik” lelopean.