Agintaldia amaitu baino lehen ekimen hau martxan jar dadila nahi du Udalberri koalizioak eta Alkatea kritikatu du Bakearen eta Bizikidetzaren Aldeko Bilboko Topagunetik at erabakiak hartzeagatik
Ahal Duguk, Ezker Anitza-IUk eta Equo Berdeak taldeak osatutako koalizioak hurrengo osoko bilkuran eskatuko du Donostian eta Gasteizen egin den bezala terrorismoaren, motibazio politikoko indarkeriaren eta polizia-gehiegikeriaren biktimak gogorarazteko identifikazio-plakak ipini daitezela.
Carmen Muñozek, udal-taldearen bozeramaileak, Juan Mari Aburtok azaroan egindako adierazpenak kritikatu ditu. “Ez dugu ulertzen nola Alkateak bere irizpideari jarraikiz plakak ez jartzea erabaki duen, gai horiek aztertzeko eratu dugun espazioatik kanpo. Alegia, Bakearen eta Bizikidetzaren Aldeko Bilboko Topagunearen eremutik at. Hau dela eta, proposamen hau planteatzera behartuta gaude”, azaldu du Muñozek.
Koalizioaren ustez horrelako proiektuak bakearen eta bizikidetzaren ibilbide luzean ekintza sinbolikoekin ekarpen bat egiteko modu eraginkorra, publikoa eta iraunkorra dira. Muñozek gogoratu du Donostiakoa eta Gasteizkoa ez direla ildo horretan egindako ekimen bakarrak. “Beste hiri askotan, adibidez Madrilen, antzeko neurriak hartzen ari dira, Europako beste hainbat hiriburutako ekimenak errepikatuz. Gainera ezin dugu ahaztu biktimen kolektiboen gehiengoaren babesa dutela”, azpimarratu du bozeramaileak.