- Irabazi Barakaldo koalizioak materia organikoa biltzeko edukiontziak etxeei lotutako txartelen bitartez irekitzea nahi du.
- Proposamenak dio, birziklatutako kopuruaren arabera, zabor eta estolderia-tasako hobaria %35 izatera heldu daitekeela.
Irabazi Barakaldok proposatu du materia organikoa biltzeko edukiontziak etxeei lotutako txartelen bitartez irekitzea, kontrola ahalbidetzeko eta birziklatzen duten barakaldarrak saritzeko. Sistema horrek Urola Kostako birziklapen-tasa bikoiztea lortu du, dio Irabazik.
Ezker Anitza-IU, EQUO-Berdeak eta Independenteez osatutako koalizioak proposamen berria jarri du mahai gainean, Barakaldoko gaikako zabor-bilketan aurrera egiteko. Horrenbestez, edukiontziak etxeei lotutako txartelen bitartez irekiko lirateke. Etxebizitza horretan erroldatutako pertsonen eta erabilera-maiztasunaren arabera, zabor eta estolderia-tasako hobaria %35 izatera heldu liteke. “Printzipio erraza da; birziklatzen duenak gastu gutxiago eragiten dizkio diru-kutxa publikoari eta, ondorioz, gutxiago ordaindu beharko luke”, adierazi du Eder Alvarezek, Irabazi Barakaldoko bozeramaileak.
“Barakaldoko birziklapen-tasa hobetu beharra dugu, hondakin organikoen edukinontzien ezarpena pixkanaka-pixkanaka zabalduz doan arren”, esan du Irabazi Barakaldoko zinegotziak, Ramon Sanchezek. “Sortzen ez dena da hondakinik onena; birziklatze-portzentajeak handitzea ez da txalogarria, tasa 2014rekin konparatuz gero, barakaldar bakoitzeko hondakin kopurua 15 kilo igo baita”. Horregatik, premiazkoa da neurri zehatzak hartzea, bai tratamendua hobetzeko, baita hondakinak gutxitzeko ere”, gaineratu du Sanchezek.