Otsaileko osoko bilkuran, Podemosek, Ezker Anitza – IUk eta Equok osatutako koalizioak – UdabBerri- Bilbo Zaharra, San Frantzisko eta Zabala auzoetan bitartekotza komunitario integraleko programa bat abian jartzeko eskatuko du.
Auzo horietako Taldeen Koordinakundetik behin eta berriz egiten ari diren eskaerak aintzat hartuz, UdalBerri – Bilbao en Común udal-taldeak programa bat proposatu du auzokoen eskura bizikidetza hobetzeko behar diren tresnak jartzeko, gatazken prebentzioa indartuz. Bitartekotza hori ahalbidetuko litzateke herritarren eskura hitz egiteko, parte hartzeko eta negoziatzeko guneak jarriz, eremu pribatu zein publikoetan, herritarrek elkarlanean aritzeko eta elkarrekin konponbideak adosteko aukera izan dezaten.
“Herritaren parte-hartze erreala eta eraginkorra sustatu behar da, eta argi dago auzoan bizi den jendea dela bere errealitatea ondoen ezagutzen duena. Orain gutxi hori hala dela geratu da agerian, auzoko hainbat kolektibok egindako adierazpenen harira. Izan ere, Udalari leporatu diote eguneroko bizitzan jasaten duten egoera larrien gainean helarazi dizkioten abisuak kontuan hartu ez izana”, adierazi du Carmen Muñoz koalizioko bozeramaileak.
Muñozek ziurtatu du proiektu hori beharrezkoa dela herritarren iritziak garrantzi handiagoa izan dezan gatazkak konpontzerakoan, eta, batez ere, gatazkak prebenitzeko modurik onena bilatzerakoan, gure hiriaren segurtasunaren mesedetan.
Koalizioaren proposamena Auzokizuna 2020 Planaren ekintzen barruan kokatuko litzateke, eta beraz, proiektuen forotik inplementatzeari erabateko lehentasuna emango litzaioke, gizartearen, enpresaren, kulturaren eta erakunde publikoen ordezkarien parte-hartzearekin.
UdalBerri – Bilbao en Común udal-taldearen iritziz, programa auzoko beste auzo batzuetara zabal liteke, Bilbo Zaharrean, San Frantziskon eta Zabalan abian jarri eta emaitza onak eman orduko.