Oposizioko alderdiek osoko bilkurak hartutako erabakien aurka jarritako errekurtsoen inguruko informazio eguneratua izan dezatela eskatzen dugu Udalberritik
UdalBerri-Bilbao en Común udal-taldeak Udal Gobernuaren gardentasuna eta informazioa hobetzeari buruzko proposamena defendatuko du urriko osoko bilkuran.
Podemos, Ezker Anitza – IU eta Equo-k osotutako koalizioaren ustez zinegotzien eginkizunak behar bezala garatzeko beharrezkoa da osoko bilkuretan hartutako akordioekin lotutako sententzia judizialen inguruko informazio eguneratua izatea. UdalBerriren aburuz aipatutako ebazpenak Udalaren Gardentasun Atarian argitaratzea ez da nahikoa.
Azken finean, proposamenaren helburua oposizioko alderdiek aldi oroz osoko bilkurak hartutako erabakien aurka jarritako errekurtsoen eta ebazpenen, irmoak ez izan arren, informazioa izatea da. UdalBerriren arabera askotan gertatu izan da oposizioko zinegotziek gai honen berri komunikabideen bitartez izatea.
Udalberriren bozeramaileak, Carmen Muñoz-ek, Bilboko Hiriaren Egoerari buruzko eztabaidan salatu zuenez, “argi dago Udal Gobernuak informazioa era maltzur batez kontrolatzen duela, itxurak mantentzeko helburu bakarrarekin”. Muñoz-en esanetan “EAJ eta PSE-k metodo zaharrak alde batera utzi behar dituzte eta euren jarrerak aldatu behar dituzte. Udal Gobernua inkestetan oinarritzen den gardentasunaz harro sentitzen den arren, uste dugu herritarrei eta oposizioko taldeei emandako informazioa ez dela nahikoa. Badirudi botere logika zaharkituak komunikazio instituzional, berri eta profesionalarekin nahastu egiten dituztela”.