- José Ramón Becerra legebiltzarkideak Ekonomiaren Garapeneko sailburuari eskatu dio salgaien trafikoa Bilboko udalerrian sartzeko Euskal Yaren tuneletik bideratzeko.
- “Ez gaude Yaren alde, baina horrela salgaiak garraiatzeko erabil genezake, eta bide batez, Bizkaiarentzat proiektatutako Hegoaldeko Saihesbidearen bigarren fasearen eraikuntza bertan behera utz genezake”, adierazi du Becerrak.
EQUO Berdeak alderdiak Elkarrekin Podemosen duen José Ramón Becerra legebiltzarkideak Ekonomiaren Garapeneko sailburuari eskatu dio salgaien trafikoa Bilboko udalerrian sartzeko Euskal Yaren tuneletik bideratzeko. Horrela konponbide bat aurkituko litzateke salgai-konboiak C3 trenbide-linearen bitartez La Peña auzoaren eta Basauriren arteko hiriguneen ondotik ez pasatzeko.
Becerrak Arantza Tapiari proposamen hori helarazi dio Eusko Legebiltzarraren Kontroleko Osoko Bilkuran hegoaldeko trenbide-saihesbidearen inguruan garatutako interpelazio batean.
Ekimena proposatzen da inpaktu soziala eta ingurumenekoa ahal den neurrian murrizteko; izan ere, azpiegitura eraikitzeak berez duen inpaktuari, “beste inpaktu are kezkagarriago bat erantsi behar zaio, Hegoaldeko Saihesbideak ADIFen trenbide-sarearen aire zabaleko tarteetan eragingo duelako”, azpimarratu du Becerrak. Joan den martxoan Sustapen Ministerioak hartutako erabakiaren arabera, Saihesbidearen 1. Fasea baino ez da eraikiko, hau da, 2. Fasea sine die atzeratu da, eta, 1. Fase hori abian jartzearekin batera, salgai-konboien trenbide-trafikoa nabarmen haziko da, orain egunean bi noranzkoetan dabiltzan 19 konboi izatetik 72 izatera, hain zuzen. “Trenbide-trafikoaren gorakada hori oso arazo larria izango da Bilboko zenbait auzotan, Olabeagan, La Peñan eta Abusun adibidez, baina baita Basauriko udalerri osoan ere, non konboi horiek aire zabalean ibiliko diren eraikinen inguruetan”.
Horregatik, euskal Yaren tunela aprobetxatzeko alternatiba aurkeztu dugu, “guk azpiegitura hori babesten ez badugu ere, salgaien garraiorako erabil genezakeelako”, ñabartu du Becerrak, eta horrela Bizkairako proiektatutako Hegoaldeko Saihesbidearen bigarren fasearen eraikuntza bertan behera utz litekeela erantsi du jarraian.
.