- Legeak ezarritakoaren arabera, enpresek fakturazioaren % 1,5 ordaindu behar diete hornitzen duten udalerriei
EQUOk, Ezker Anitza-IUk, Podemosek, Alternativa Republicanak eta herritar independenteek- UdalBerri- osatzen dugun koalizioak Udal Gobernuari eskatu dio tasa bat sor dezan energia garraiatzeko instalazioen enpresa titularrek jabari publikoaz egiten duten aprobetxamendua aintzat hartzeko, Udal Jabari Publikoaren Erabilera Pribatuagatiko eta Aprobetxamendu Bereziagatiko Tasa Arautzen duen Ordenantza Fiskalaren barruan epigrafe berri bat sortuz.
Legeak ezarritakoaren arabera, konpainia elektrikoek, gas-, ur- eta hidrokarburo-enpresek bezala, airetik, lurretik edo lur azpitik hornitzen dituzten udalerriei ordaindu behar diete dagokion udalerrian fakturatzen dutenaren % 1,5. Arauak ezartzen du, halaber, konpainia horiek udalerria zeharkatzeagatiko tasa ordaindu behar dutela, nahiz eta udalerri hori zuzenean hornitu ez.
Konpainia elektrikoek epaitegietara jo dute tasa hori ordaindu beharrari aurre egiteko, baina Gorenak udalei eman die arrazoia enpresa horiek zergapetzeko eskaeran. Hain zuzen ere, bost epaik hori ezarri dute, eta doktrina ezarri dute gainera, Carmen Muñoz Udalberriko zinegotzi berdeak gogora ekarri duenez. “Bada garaia Bilbok ere Iberdrolari eremu publikoa erabiltzegatiko tasa ordain dezala eskatzeko, areago oraindik epaitegiek hori legezkoa dela berretsi ondoren. Udal Gobernuaren politikek ez lukete gehiago oligopolio elektrikoaren aurrean makurtu beharko, haiek, egundoko tarifak ezarriz, mozkinak pilatzen dituzten bitartean” adierazi du UdalBerriko bozeramaileak.