Elkarrekin Podemosek kanpainako ildo nagusiak helarazi ditu. Hurrengo egunotan, neurri berritzaileak jasotzen duen programa zabala aurkeztuko du koalizioak; gizarte gaietan zein bake eta bizikidetzan, besteak beste.
Por Euskadi. Jendearekin” leloak jasotzen du Elkarrekin Podemosen nahia hauteskundeei begira: “gakoa etorkizunean dago, kontutan izanda nola eraiki behar duen euskal gizarteak bere etorkizuna”.
Edu Maura, kanpainaren zuzendaria, Bilbon izan da programaren alde nagusiak azaltzeko. Maurarekin batera azaldu dira, Cristina Macazaga, Arabako zerrendaburua; Amaia Martínez, Bizkaiko hautagaia eta IU-ko Emakume Arloko koordinatzailea; eta Joserra Becerra, Arabako hautagaia eta Equo-ko ordezkaria.
Bilboko panoramika atzekaldean zutela, Pili Zabala lehendakarigaiaren irudia erakutsi dute. Koalizioa hauteskunde kanpainan ezagutaraziko duen irudia, alegia.