Europar legebiltzarreko lehendakariordea eta Europar Berdeen bozeramailea den Ska Kellerek, Legebiltzarrean EQUO alderdiko bozeremailea den Florent Marcellesirekin batera, Espaniar Kongresu eta Senaturako Unidos Podemos-en hautagaiak babestu dituzte Gasteiz-en gaur arratsaldean ospaturiko ekitaldian. Podemos, IU-Ezker Anitza eta EQUO alderdiez osoturiko bilgune ezkertiar hau babesteaz gain, Europarlamentariak Europako errefuxiatuen krisialdia nola kudeatu denaren inguruan beraien ikusmira azaldu dute.
Marcellesi-k zeharo ezberdinak diren bi eredu Europa nola zatitzen duten azaldu du. Batetik larderiazkoa eta xenofoboa, eta bestetik demokratikoa eta solidarioa. Hau da, gorrotoa anaitasunaren aurka, mugen itxiera irekieraren aurka, gutxi batzuentzako lurrak denontzako den Planeta baten aurka.
Honetaz gain TTIP-K gordetzen dituen arriskuetaz ohartarazi dute. Ska Keller-en hitzetan “demokraziarentzat, ingurumenarentzat eta multinazionalen alde beren eskubideak murriztuta eta baztertuta egongo diren herritarrentzat oro har.”
Europear Legebiltzarraren lehendakariordea eta Berdeak Taldearen bozeramaileak, Europatik Berdeak egiten duten lana goraipatu du, justuagoa, sozialagoa eta jasangarriagoa den gizarte bat eraikitzeko bidean. Honekin batera, Unidos Podemos-ekiko Berdeen babesa “osotasunezkoa” dela zihurtatu du.
Bizkaiko Unidos Podemos-en hautagaia eta EQUO alderdiaren bozeramailea den Rosa Martinez-ek, familia berdearen babesa ezinbestekoa dela adierazi du “gobernua aldatzea premiazkoa, eta ingurumen eta giza-justiziaren alde borrokatzen duten politikak ezartzea hain garrantzitsua denean”.
Arabako Kongresurako zerrendaburu eta EQUO-ren bozeramailea den Juantxo Lopez de Uraldek murrizketak, gizartearen aurkakotasuna eta energia nuklearra babesten dituzten Mariano Rajoy-ren Gobernuko politikak geldiaraztearen garrantzia lehenentsi du. “Unidos Podemos bozkatzeari beldur ez izatea eskatzen diegu herritarrei, gobernatzeko prest gaudelako. Hainbat sektore eta pertsona pobrezian murgildu dituzten politika hauek indargabetu eta, hauen ordez, berditasunean oinarriturik gisa eta lanbide eskubideak bermatzen dituztenak ezartzeko lan egingo dugulako. Pertsona eta planetarekiko aldaketa bat nahi duen bakoitzak, justuago eta ekologikoagoa den herrialde bat nahi duenak Unidos Podemos bozkatu behar du.