Noiz: Ostirala, abuztuaren 15a
Non: Carlos VII Etorbidea eta General Castaños kalearen gurutzebidean, Portugaleten
Ordua: 18:00
2012ko urtarrilaren 26an Portugaleteko Udalbatzak ahobatez onartu zuen animalei sufrimendua sortarazten dizkieten ikuskizunak edota jai-ekintzak ez antolatzea. Alderdi politiko guztiek babestu zuten EQUO alderdi politikoak bultzatutako mozioa. Bertan zioen “animaliak, mina edota sufrimendua sentitzen dutenez gero, gizarte osoak babestu eta defendatu behar dituzte, batez ere instituzioek” eta “gizarte aurreratu batek ezin ditu animaliak erabili dibertimendurako, bere sufrimendu fisikoari eta psikikoari erreparatu gabe”.
Hala eta guztiz ere, Udalak aurten ere bigantxak sartu ditu festetan. Horrexegatik EQUOk kontzentrazio batera deitzen du datorren ostiralerako, abuztuaren 15ean, Portugaleteko Carlos VII Etorbidea eta General Castaños kalearen gurutzebidean, arratseko 18:00etan, Udalari koherentzia eskatzeko asmoz eta bigantxak festen programaziotik kentzeko, udalbatzan onartu zuten moduan.
EQUOk gogorarazten du bigantxak bezalako ospakizunak, babesik gabeko animalia bat erasotzean, zorabiatzean eta gaizki tratatzean oinarrituta daudenak, ikuskizun krudelak eta bortitzak direla bertaratuentzat (horien artean adingabeko neska-mutil askorentzat), eta atzerapausu nabarmena direla animaliekiko gizarte begirunezkoagoa lortu ahal izateko.
Azkenik EQUOk gogorarazi nahi du animalien aldeko bere mozioa onartua izan zela Santurtziko, Abanto-Zierbenako eta Barakaldoko Udalbatzetan, eta herri hauek bai gorde dutela erabakia. Koherentziako eredu bezala, EQUOk zoriondu nahi du Barakaldoko Udala, Karmengo festetan atrakzio-gunetik pottoken karrusela kendu duelako, eta Galdakaoko Udalak ere zaldi-lasterra kendu duelako.