Proposamenak jaso arren eta Euskadin indar aurrerakoien koalizio bat positiboki baloratzen badu ere, egungo baldintzak ez direla egokienak uste du eta denboran jarraipena izango duen lan bateko apustua egiten du.
Datozen euskal hauteskundeetara begira, EQUO Euskadik bere kideen artean indar aurrerakoien koalizo zabal batean joateko aukera baloratu du. Bizitzen ari garen politika atzerakoien olatuari aurre egingo dion fronte zabala litzatekeena. Gizarte, osasun zein hezkuntza politiketan murrizketak pairatzen ari garen momentu hauetan, talde ekologistak Euskadiko indar ezkertiarren koalizioa oso era positiboan baloratuko luke, legebiltzarrera ahots alternatibo bat eramango lukeelako. Gainera, EQUO Euskadik uste du gizarteak orokorrean ondo ikusiko lukeela baldintza horretako koalizio bat, gizartearen zati bat urteak baidoa baldintza horietako lana aldarrikatzen.
Euskadiko egungo egoerak ordea ez du indar aurrerakoien koalizo zabal hori sortzea ahalbidetzen. Euskadin ezkerra ordezkatu dezaketen alderdiak bakoitza bere aldetik aurkeztuko dira datozen hauteskundeetan. EQUOk horietako alderdi batzuen eskaintzak jaso dituela onartzen badu ere, akordio orokor zabalago batera ezin heltzearen ondorioz, datozen hauteskundeetara alderdi ekologistak bakarrik aurkeztea erabaki du.
Hala eta guztiz ere, EQUO Euskadik epe erdi-luze bateko lanean oinarritutako espazio komunak sortzeko bere apostu eta gogoa adierazi nahi du, Alderdi ekologista berdintasunean, elkartasunean eta jasangarritasunean oinarritutako gizarte eredu baten aldeko eraldaketa bultzatzen duten gizarte zein politika erreferente guztiei irekita dago, EQUOk sustatzen duen ekologia politikoaren hiru zutabeen oinarri gisa.