- Amurriotik (Araba), EQUO Berdeak-eko hautagaiak datorren maiatzaren 12an masiboki mobilizatzeko dei egin die herritarrei, Europan arrakasta izan duen olatu berdea Euskadira irits dadin eta eskuin muturra Eusko Legebiltzarrean sar ez dadin
Amurrion (Araba) egindako ekitaldi batean, EQUO Berdeak-ek euskal herritarrei eskatu die uztailaren 12an botoa masiboki emateko, Europan arrakasta izan duen olatu berdea Euskadira irits dadin eta eskuin muturra Eusko Legebiltzarrean sar ez dadin.
Zentzu horretan, Joserra Becerra lehendakarigaiak adierazi duenez, “Arabako azken eserlekua EQUO Berdeak eta Vox arteko sakoneko lasterketa batean jokatuko da”.
“Datorren igandeko boto erabilgarria EQUO Berdeak-en aldeko botoa da, Vox Parlamentutik kanpo utz dezakeen eta Euskadik aurrera egiteko behar dituen akordioak lortzeko gai den hautagaitza bakarra, Vox bezalako beste batzuen intransigentziaren aurrean, iraganera itzuli nahi denean soilik hitz egiten baitute itunei buruz”, ohartarazi du EQUO Berdeak-eko hautagaiak. “Gainerako alderdiek, betiko bloke politikoetan ainguratuta, aspaldiko ika-mikekin jarraitzen dute, eta atzoko erantzunekin konformatzen dira gaurko erronketarako; berdeek, berriz, botoz boto borrokatzen jarraitzen dugu, eskuin muturraren etorrera saihesteko eta, Euskadin, krisi honetatik hobeto atera gaitezen”, adierazi du Joserra Becerrak.
