- Euskadik etorkizun jasangarriago, justuago eta solidarioago batekin duen konpromisoa behin betiko bermatuko duten neurrien programa oso eta berehalako bat martxan jartzea inplikatu beharko luke Klima Aldaketako Deklarazio batek.
EQUO Berdeak alderdiak uste du Iñigo Urkullu lehendakariak gaur goizean iragarritako Larrialdi Deklarazioa itxurak egiteko neurri efektista dela, baina, azken batean, Klima Aldaketako Legearen bere aurreproiektua bezain hutsa eta hura bezain eraginkortasun eskasekoa.
Euskadiko alderdi berdea oso penatuta dago gure gizartearen etorkizunerako funtsezko gai bat berriz ere propaganda politikoa egiteko tresna soil bat bezala erabiltzen ari direlako, Klima Aldaketako Lege Aurreproiektuaren iragarpenarekin gertatu zen bezalaxe.
EQUO Berdeak alderdiarentzat erabat kalterako da herritarrak engainatu nahian agintariek beren burua berdez pintatu nahi izatea, soluzio eraginkor eta zeharkakoak proposatzen ari direla sinestaraziz, hori guztia gezurra izanik. Lehendakariak ez du egia esaten. Euskal gizartea ez da bere emisioak murrizten ari, eta, aitzitik, % 5,45 igo dira 2016 eta 2017 bitartean. Europaren eta planetaren per capita emisioen neurria gainditzen du Euskadik (9,2 Tm Euskadin, eta 8,4 Europan eta 4,7 planeta osoan, hurrenez hurren).
Bestalde, EQUO Berdeak taldea ados dago eta urteak daramatza ohartaraziz klima-aldaketaren aurkako borroka ekonomia lehiakor eta klimatikoki neutroa eraikitzeko aukera bat izango dela oinarritzen duen ideiarekin, Iñigo Urkulluk esandakoari jarraikiz, baina lehendakariak ez digu azaltzen nola lortzen den hori, eta ez du aipatzen, halaber, garapen horrek justua eta solidarioa izan behar duela, Euskadiko berdeen erreibidindikazio etengabea.
Alderdi berdeak nabarmentzen duenez, iragarpen horiek dezepzio gero eta handiagoa eragingo dute euskal gazterian, gazte horiek astez aste kalera irteten direlako neurri “egiazko eta lotesleak” exijitzeko, eta ez baitira deklarazio soil batzuekin konformatuko. “Egitateak eta ez hitzak” exijitzen dizkiete erakundeei, eta ezin zaizkie erantzun huts horiek eman atakatik ateratzeko soilik. Euskadik etorkizun jasangarriago, justuago eta solidarioago batekin duen konpromisoa behin betiko bermatuko duten neurrien programa oso eta berehalako bat martxan jartzea inplikatu beharko luke Klima Aldaketako Deklarazio batek.
Sinesgarria izateko klima-aldaketaren alorreko konpromiso sendo eta hauskaitz batekin batera joan behar du deklarazio horrek, eta Eusko Jaurlaritzak oraingoz ez du halakorik erakutsi. Izan ere, gehiegitxo dira Jaurlaritzak bultzatutako politikak lagungarri ez direnak nazioartean klima-aldaketa hori arintzeko eta egoerara egokitzeko helburuak lortzeko, eta alderantziz gertatzen ari da erabat. Hor ditugu, esaterako, erraustegiekin hondakinak erretzen jarraitu nahi izate hori, gas naturalaren aldeko apustu irmoa gure energia-politikaren oinarria izan dadin, duela hainbat hamarkadatatik hona energia berriztagarriak “ahaztuta” egotea, pinu eta eukaliptoen baso-politika baso autoktonoak bultzatu beharrean, diru-laguntzen Renove Plana ibilgailu kutsagarriak erosteko edo inolako gogoetarik ez egitea euskal industria-ereduak behar duen eraldaketari buruz. Politika horiek guztiak eta beste batzuk jasanezinak eta bateraezinak dira klima-aldaketaren eta berotze globalaren aurkako borrokarekin